Dowry
aanchal
(Querist) 21 October 2013
This query is : Resolved
meri shaadi ko 1 saal ho gaye hai. mere husband ko main pasand nahi thi, phir bhi usne ye shaadi ki kyunki usko paise chahiye the. apni 4 bahano ki shaadi ke liye, our apne chote bhai ki padhai ke liye. shaadi ke 15 din baad mere pati ne mujhse kaha ki meri shaadi meri marzi se nahi hui hai, mujhe mere ghar walon ne dabav dala tha. baki mera tujhse koi bhi lena dena nahi. baad main usne mujhe kaha ki divorce de de , main nahi dunga. jab maine apne sasuraal walon ne bataya to sab ne bataya ki haan ye sahi hai. lekin nibhao usmain kya hai. uske baad in logo ka dahej ke liye pareshaan karna shuru ho gaya. pati, saas , nanade, devar sabne shuru kar diya, is bich baby ki khabar aayi, uske baad in logo ka our pareshaan karna shuru ho gay. our kaha ki agar bacha chahiye to kharcha lekar aa. maine mana kar diya. hua ye ki us bache ko in logo ne tourcher karke maar dala. mere koi bhi bhai nahi hai. hum 2 bahan hi hai. our main badi hoon. mera sasur pehle to mujhe boltaraha ki kuch mat batana sab thik ho jayega. lekin 7month ke baad uska bhi shuru ho gaya. maine bahot koshish ki sab thik ho jaye lakin kuch bhi nahi hua. jab baby mar gaya to mere pati ne mujhe pyar dena shuru kar diya. our kaha ki tu thode din tere mayke chali ja. phir main tujhe lene aa jaunga. lekin uske baad na woh kabhi aaya na hi mila. uske baad woh log mere mayke aaye our mere papa se jhagda kiya, lekin midater ki vajah se sulah ho gayi. phir mere pati ka phone aana shuru hua, our woh phone tab tak aaya, jab tak ki uski sister ki shaadi nahi ho gayi, our jaise hi shaadi hui uske baad usne mujhe bol ki mujhe teri jarurat nahi hai. uske baad usne meri complaint kar di police main ki ye aana nahi chahati hai. uske baad maine us per case kiya. DV ka our dowry ka. DV ka case chalu hai lekin dowry ka case mujhe bhiwandi main karne ko kaha gaya , woh dowry ka case vaisa hi padaraha. ab maine ek galti kar di. mainr pehle FIR nahi karvayi thi, ab jab main FIR karne ke liye gayi thi, tab councling hui. is councling main mujhe mere pati ne mafi mangi, our kaha ki ab aisa kuch bhi nahi hoga. sab thik ho jayega. mujhe ek moka de. maine usko ek moka diya , our FIR cancal ka di. cancal karne ke baad mahila vibhag valon ne mujhe bataya ki kisi bade aadmi ka phone aaya tha humko our bola gaya tha ki FIR nahi honi chahiye. jab maine pati se baat ki to usne mujhe bataya ki ye sab sirf FIR rokne ke liye hi hua tha. ab tu fans chuki hai. main jo condition lekar gayi thi use bhi un logo ne usse nahi likhvaya tha, sirf bola gaya tha. ab mujhe dar hai ki jo jawab main likharwaha dekar aayi hoon. kahin uska bhi koi misuse to nahi kiya gaya hai, kyunki mere pati ne abhi tak muje koi bhi phone nahi kiya hai, our na hi mmassage kiya hai, usne kaha tha ki main tujhe lene aaunga, lekin aaj 20 din ho chuke hai woh na lene aaya na milne aaya. maine usper phir se jo vishwas kiya uska usne fayda utha liya. ab jo woh mujhe phone nahi kar raha hai, na massage kar raha hai, iska matlab hai ki usne khud ke liye kuch safe side rakha hua hai, lekin kya woh mujhe samjh main nahi aa raha hai. am kya karoon. maine ek baar phir dhoka kha liya hai.kya ab main kuch bhi nahi kar sakti hoon. kya mere haath main ab kuch bhi nahi hai.
M V Gupta
(Expert) 21 October 2013
AAp ke pati har kadam par dhoka de raha hai. Aisa lagta hai ki Woh aap ke saath jeena nahi chahata hai, aur aap ko door rakhana chahta hai. Aap first class magistrate ke court me Sec 125 criminal procedure code ke under maintenance ke liye application file karo. is ke vaste aap legal aid authority ke paas jayiye. woh log aap ko mufat me kaam karenge. Magistrate court me aap ko jaldi maintenance mil sakta hai.
R.K Nanda
(Expert) 21 October 2013
consult lawyer personally.
Raj Kumar Makkad
(Expert) 21 October 2013
aapke pti ko jab aapki parwah hai hi nhi aur unka har action dhokhe par adharit hai to uske sath rehna murkhta nhi to aur kya hai? aapko apna rasta alag chunna chahiye. aapke kai adhikar hain jinka dhang se istemal kijiye to fatah hi fatah hai.
aanchal
(Querist) 22 October 2013
lekin mera abhi tak DV ka case chalu hai, woh band nahi hua hai, mujhe ye ek dar hai ki jis aadmi ne mahila dakshta vibhag main dabav dalkar ye FIR rukava sakta hai, kya woh mere jawab ke paper change to nahi kar sakta hai.kyunki main nikli tabhi bhi woh udhar hi betha tha. our phir itne din ho gaye hai, agar use koi bhi dar hota to mujhe phone to karta. woh bhi nahi kiya hai. maine usko 2 baar phone kiya lekin usne mera number black list main daal rakha hai. isliye lagne se pehle hi call end ho jata hai. kya main fir se FIR kar sakti hoon, our agar kar sakti hoon to kya mujhe mahila dkashta vibhag main pehle koi information deni padegi. mera koi bhai nahi hai, papa ki age 58 ki ho chuki hai, isliye sab kuch main hi kar rahi hoon. agar papa mere saath lag gaye to ghar ka kya hoga. is liye aap hi sugess ki kya karna chahiye. pls help.dowry ka case to abhi tak maine dala hi nahi hai.
Sudhir Kumar, Advocate
(Expert) 23 October 2013
all pro-women laws have been created to help ladies like you only. Take help.
Meet a lawyer personally.
Sarvesh Kumar Sharma Advocate
(Expert) 21 October 2013
